Liverpool - Blackburn

1-0 S. Gerrard ('60)
2-0 Torres ('83)
3-0 Voronin ('90)
3-1 Santa Cruz ('90)

Liverpool lagði Blackburn í fyrri leik dagsins á Englandi sem fram fór á Anfield. Liverpool vann leikinn 3-1 og það voru Steven Gerrard, Fernando Torres og Andriy Voronin sem skoruðu mörk Liverpool en Roque Santa Cruz minnkaði muninn á lokamínútunni.

Það var ekki fyrr en eftir klukkutímaleik sem Steven Gerrard opnaði markareikninginn í leiknum þegar hann setti boltann á milli fóta Cristopher Samba og lagði boltan framhjá Brad Friedel.

Á 83. mínútu skoraði Fernando Torres með góðum skalla eftir sendingu frá Steven Gerrard. Torres var síðan skipt af leikvelli tveimur mínútum síðar fyrir Andriy Voronin sem þakkaði fyrir sig og skoraði þriðja og síðasta mark Liverpool á lokamínútunum.

Það var síðan Roque Santa Cruz sem minnkaði muninn fyrir Blackburn á 93. mínútu leiksins og þannig urðu lokatölur leiksins.

Byrjunarlið Liverpool: J. Reina, A. Arbeloa, J. Carragher, M. Skrtel, Fábio Aurélio, Lucas, Xabi Alonso (Riise '88), S. Gerrard, D. Kuyt, R. Babel (Benayoun '59), F. Torres (Voronin '85).

Byrjunarlið Blackburn: B. Friedel, C. Samba, R. Nelsen, S. Warnock, B. Emerton, D. Bentley, J. Vogel (Dunn '73), S. Reid, M. Pedersen (McCarty '75), R. Santa Cruz, J. Roberts